G7 sammıti: Djordja Melonı men Antonıý Koshta zııandy ádetterden arylǵanyn aıtty
ASTANA. KAZINFORM — Frantsııada ótken «Úlken jetilik» (G7) sammıti aıasynda, resmı kezdesýlerden bólek, memleket basshylary salaýatty ómir salty boıynsha jeke jetistikterimen de bólisti, dep habarlaıdy Kazinform agenttiginiń EO-daǵy menshikti tilshisi.
Euronews habarlaǵandaı, beıresmı kofe suhbaty kezinde Italııa premer-mınıstri Djordjııa Melonı G7 áriptesterimen mańyzdy jeke jańalyqtarymen bólisti. Ol temekini tolyqtaı tastaǵanyn aıtty.
Italııa premer-mınıstriniń málimdemesi qyzý reaktsııa týdyrdy jáne kútpegen jerden álem kóshbasshylary arasynda salaýatty ádetter týraly pikirtalasqa ulasty.
Melonıdiń bul áńgimedegi basty qoldaýshysy Eýropalyq Keńes tóraǵasy Antonıo Kosta boldy. Eýropalyq joǵary laýazymdy sheneýnik Italııa premer-mınıstriniń sheshimin qoldap, óziniń de 21 jyl buryn temekiden bas tartqanyn maqtanyshpen atap ótti.
Brıýsseldegi málimetterge sáıkes, mundaı beıresmı sátter «kýlýarlyq dıplomatııada» mańyzdy ról atqarady.
Al Dúnıejúzilik densaýlyq saqtaý uıymynyń bas dırektory Italııa premerin salaýatty ómir saltyn tańdaǵan sheshimimen quttyqtaǵan.
Tedros Adanom Gebreıesýs temekini tastaýdy oılap júrgenderge DDU arnaıy usynystar men nusqaýlyqtar usynatynyn, olardyń durys joldan taımaýǵa kómektesetinin aıtqan.
Italııanyń premer-mınıstri Djordja Melonı jaıly bilgińiz kelse, myna siltemeden oqı alasyz.
