G20 sammıti tuńǵysh ret arab elinde ótkiziledi
NUR-SULTAN. QazAqparat - Aldaǵy jyly jıyrmalyq tobyna (G20) Saýd Aravııasy tóraǵalyq etedi. 2020 jylǵy 21-22 qarashada Er-Rııadta osy halyqaralyq uıymnyń sammıti ótedi, dep habarlady sársenbi kúni Saýd baspa agenttigi.
«Saýd Aravııasy G20 maqsattaryn, sondaı-aq turaqtylyq pen halyqaralyq ekonomıkalyq júıeni tolyqtaı qoldaıdy»,-delingen habarlamada.
Alqaly jıynda Saýd Aravııasynyń koroli Salman ben Abdel Azız Al Saýd tóraǵalyq etedi, dep atap ótken agenttik.
Aıta ketken jón, Jıyrmalyq toby kóshbasshylarynyń sammıtin Saýd Aravııasynda ótkizý jónindegi sheshim 2017 jylǵy shildede Gambýrgte qabyldanǵan bolatyn.
