G20 sammıti kezinde Hanchjoý qalasynyń eki mıllıon turǵyny qaladan ketti
ASTANA. QazAqparat - Hanchjoý qalasynyń eki mıllıonǵa jýyq turǵyny (ákimshilik ortalyǵy Chjetszıan qalasy, Shyǵys Qytaı) G20 sammıti kezinde eldiń basqa qalalaryna jáne shet elderge saıahat jasaýdy uıǵarǵan. Qytaıdaǵy eń iri týrıstik operator - Ctrip kompanııasy jarııalaǵan baıandamada osyndaı aqparat jarııalandy, dep jazady TASS.
«Týrısterdiń 67%-y ishki týrıstik baǵyttardy tańdaǵan. Qalaǵa jaqyn ornalasqan qalalarǵa suranys kóp bolǵan. Eń kóp suranysqa ıe týrıstik oryndardyń úzdik ondyǵyna Sanıa, Kýnmın, Sıamen, Lıtszıan, Gýııan, Chansha jáne Gýılın qalalary, sonymen birge Hýanshan (Anhoı provıntsııasy), Tszıýchjaıgoý (Sychýan provıntsııasy) jáne Chanbaıshan (Tszılın provıntsııasy) taýlary engen", -dep jazdy Sınhýa agenttigi baıandamaǵa silteme jasap.
Toǵyz mıllıon turǵyny bar Hanchjoý qalasynyń bıligi qaýipsizdik maqsatynda G20 sammıti merzimine birqatar shekteýler engizdi. Qalanyń keıbir aýdandary arasynda júrýge shekteý qoıyldy. Onda tek turǵyndar men kompanııa qyzmetkerleri arnaıy jeke kýáligin kórsetip, qaýipsizdik tekserisinen keıin ǵana jiberilgen.
