G20 elderiniń basshylary koronavırýs vaktsınasy teń taralýyn qarjylandyrýǵa nıetti
BEIJІŃ. DÝBAI. VAShINGTON. TASS – QazAqparat - Jeksenbidegi onlaın-sammıtte Úlken jıyrmalyqqa (G20) kiretin el basshylary koronavırýsqa qarsy vaktsınalar men dári-dármekterdiń, sondaı-aq kedeı elder de kómek alýy úshin koronavırýs ınfektsııasyna testilerdiń teń dárejede bólinýin qarjylandyrý mindettemesin qabyldaýǵa nıetti. Bul týraly G20 kommıýnıke jobasynda habarlandy, dep jazady QazAqparat TASS agenttigine silteme jasap.
«Biz bar kúshimizdi salyp, múshe elderdiń ınnovatsııalardy yntalandyrý jónindegi mindettemelerine sáıkes, barlyq adamdardyń vaktsınalardy ádil jáne qolaıly jaǵdaılarda alýyna múmkindik jasaımyz», – delingen qujat jobasynda.
Reuters agenttiginiń habarlaýynsha, álemdik kóshbasshylar bolashaqta kez kelgen yqtımal pandemııaǵa jaqsy daıyndalýǵa nıet bildirgisi keledi. Kommıýnıke jobasynda aıtylǵandaı, olar «pandemııaǵa jahandyq daıyndyqty, aldyn alý, anyqtaý jáne jaýap berý tetikterin damytýǵa», sondaı-aq «ózekti, ashyq jáne standarttalǵan derekter men aqparatty úzdiksiz bólisýge» mindettenedi.
Saýd Arabııasynyń koroli Salman ben Ábdel Ázız Ál Saýdtyń tóraǵalyǵymen Jıyrmalyq tobynyń sammıti 21-22 qarasha aralyǵynda onlaın formatta ótýde. Talqylanatyn taqyryptardyń biri – pandemııadan týyndaǵan daǵdarystan keıin ekonomıkalyq ósýdi qalpyna keltirý. Koronavırýspen baılanysty problemalardan basqa, sammıtte birqatar basqa máseleler, atap aıtqanda, ınnovatsııalar, densaýlyq saqtaý salasyn nyǵaıtý, qoǵamnyń álsiz toptaryn qoldaý talqylanady. Bıylǵy jyly «jıyrmalyq» memleketteri pandemııanyń saldaryna qarsy turý úshin birqatar shara qabyldady. Atap aıtqanda, koronavırýs vaktsınasyn óndirýdi jáne taratýdy qoldaý maqsatynda álemdik densaýlyq saqtaý júıesine 21 mıllıard dollar salý týraly sheshim qabyldandy. G20 elderi, sondaı-aq, álemdik ekonomıkany qalpyna keltirýge 11 trln dollar bóldi.
