G. Voskoboeva «Apia International Sydney» týrnıriniń negizgi kezeńiniń 2-shi raýndyna ótti
ALMATY. 7 qańtar. QazAqparat - Avstralııanyń Sıdneı qalasynda ótip jatqan 121-shi «Apia International Sydney» týrnırinde
qazaqstandyq tennısshi Galına Voskoboeva jarystyń negizgi kezeńinde de sátti óner kórsetýde. Birinshi raýnda belgııalyq ıAnına Vıksmaıerden (3:6, 7:6, 6:2) basym túsken ol, endi Germanııa sportshysy Anjelıka Kerbermen kúsh synysady.
Áıelderdiń tennıs qaýymdastyǵy (WTA) reıtınginde A.Kerber - 5, al G.Voskoboeva 82-shi satyda tur. Bul tizimdi «Apia International Sydney» týrnıriniń ótken jylǵy jeńimpazy belarýstyq Vıktorııa Azarenko bastap tur.
Jalpy Galına bul baıraqty básekeniń dárejelik kezeńinde gollandııalyq Aranta Rýsty, amerıkandyq Koko Vandevegti jáne reseılik Olga Pýchkovany jeńgen bolatyn.
