G.Voskoboeva álemniń úzdik 100 tennısshisiniń qataryna endi

Bul aqparatty QR Tennıs federatsııasynyń baspasóz qyzmetinen habarlady.

«Torontoda ótken Rogers Cup týrnırinde óte tamasha óner kórsetken G.Voskoboeva jańartylǵan WTA reıtınginde birden 48 baǵanǵa kóterildi jáne Áıelder tennısi qaýymdastyǵynyń reıtıngisinde 87 orynǵa turaqtady», - delingen habarlamada.

Esterińizge sala keteıik, Kanadanyń Toronto qalasynda ótip jatqan júlde qory 2 mıllıon dollardan asatyn Rogers Cup 2011 halyqaralyq týrnıriniń alǵashqy aınalymda qazaqstandyq tennısshi álemniń úzdik 10 tennısshisi qataryna kiretin frantsýzdyq Marıon Bartolıdi 6:3, 6:3 esebimen jeńgen bolatyn. Ekinshi aınalymda ıtalıandyq Flavııa Pennettamen qarsylas bolǵan qazaqstandyq sportshy birinshi sette 2:6 esebimen utylyp qalǵan-dy. Degenmen ekinshi sette jınaqylyq tanytqan G.Voskoboeva qarsylasyn 6:3 esebimen tize búktirdi. Sońǵy sát te bizdiń sportshynyń aıqyn basymdylyǵymen aıaqtaldy, esep 6:2. Al qazaqstandyq tennısshi úshinshi aınalymda reseılik tennısshi, álemniń 5-shi raketkasy Marına Sharpovany 6:3, 7:5 esebimen utqan bolatyn. Ókinishke oraı, shırek fınaldyq oıynda ol belarýs tennısshisi Vıktorııa Azarenkoǵa 6:1, 6:2 esebimen ese jibergen edi.