Ǵ.Tájııaqov «Báıterek» holdınginiń basqarýshy dırektory qyzmetine taǵaıyndaldy

ASTANA QazAqparat - Ǵalymjan Tájııaqov «Báıterek» basqarýshy holdınginiń basqarýshy dırektory laýazymyna taǵaıyndaldy. Onyń qyzmettik quzyretine jobalyq jáne korporatıvtik qarjylandyrý máseleleri kiredi, dep habarlaıdy bul týraly holdıngtiń baspasóz qyzmeti habarlady.

Ǵalymjan Tájııaqovtyń bank salasyndaǵy basqarý qyzmetterinde 14 jylǵa jýyq eńbek ótili bar. Onyń uzaq merzimdi jobalyq qarjylandyrýdy (ınvestıtsııalyq) iske asyrý, sondaı-aq  halyqaralyq ınvestıtsııalardy tartý jónindegi jobalardy uıymdastyrý men qurylymdaý boıynsha mindetterdi sheshýdegi tájirıbesi mol.

Ol «Báıterek» holdıngine shaqyrylǵanǵa deıin Eýrazııalyq damý bankinde basqarýshy dırektor, «Sıtıbank Qazaqstan» AQ-da kishi vıtse-prezıdenti boldy. «HSBS Bank Qazaqstan» AQ-da túrli pozıtsııalarynda jumys jasap,  «Kaspı Bank» AQ Qarjy ınstıtýttary basqarmasynyń bastyǵy qyzmetin atqardy.

Ǵalymjan Tájııaqov Qazaqstan men Ulybrıtanııanyń joǵary oqý oryndaryn - Qazaq memlekettik basqarý akademııasyn (halyqaralyq ekonomıst) jáne Darem ýnıversıtetiniń bıznes-mektebin (MVA) úzdik támandaǵan.