G. Shmıtgal men T. Nóserbaev Qazaqstandaǵy eń qymbat fýtbolshylar
ASTANA. 26 naýryz. QazAqparat - Nemistiń Transfermarkt.de agenttigi qazaqstandyq fýtbolshylardyń fýtbol bazaryndaǵy baǵasyn jarııalady, dep habarlap otyr «Alaman» portaly.
Germanııalyq agenttiktiń paıymdaýynsha, bizdiń fýtbolshylardyń ishindegi eń qymbaty - Genrıh Shmıtgal men Tanat Nóserbaev.
Shmıtgeldiń «quny» 1 mıllıon 250 myń dollar, al Nóserbaevtyń baǵasy 800 myń dollar.
Sondaı-aq, fýtbol bazarynda Qazbek Geterıev 500 myń, Sergeı Hıjnıchenko 475 myń, Mıhaıl Rojkov pen Andreı Karpovıch 400 myń, Sergeı Ostapenko 350 myń, Azat Nurǵalıev pen Qaırat Nurdáýletov 250 myń, Marat Shahmetov 225 myń, Mark Gýrman, Sergeı Karımov, Andreı Sıdelnıkov 200 myń dollar «turady».
Bir qyzyǵy, nemis agenttigi Ulan Qonysbaev, Jambyl Kókeev, Samat Symaqov, Nurbol Jumasqalıev syndy fýtbolshylardy «baǵalamapty».
