G.Nasımova: BUU Qaýipsizdik Keńesinde Qazaqstan dıalog pen syndarlylyqty qoldanýdyń úlgisi bolýy tıis
Jáne bul elimiz úshin úlken jaýapkershilik, Qazaqstan dıalog pen syndarlylyqty qoldanýdyń úlgisi bolýy tıis. Saıası ǵylymdar doktory, ál-Farabı atyndaǵy QazUÝ saıasattaný jáne saıası tehnologııalar kafedrasynyń meńgerýshisi Gúlnar Nasımova osyndaı pikirimen bólisti.
«Bizdiń elimiz búkil álemdegi turaqtylyqty saqtaýǵa barynsha kúsh salatynyn kórsetip, birneshe ret kelissózder alańyn usyndy. BUU Qaýipsizdik Keńesine múshe bolý utqyrlyq jáne uıymdastyrý jaǵynan orasan kúsh salýdy talap etedi. Onyń ústine qazirgi jaǵdaı memleketter birigip qana eńsere alatyn birqatar halyqaralyq máselelerdiń shıelenisýine, turaqtylyq pen qaýipsizdikke qater tónýine ákep soqty. Tipti BUU Qaýipsizdik Keńesine múshe elderi arasynda da aıtarlyqtaı túsinispeýshilikter bar ekenin esten shyǵarmaǵan jón», - dedi ol.
Sondyqtan, Qazaqstan úshin bul úlken jaýapkershilik, óz kezeginde Qazaqstan ishki jáne syrtqy saıasatta dıalog pen syndarlylyqty qoldanýdyń úlgisi bolýy tıis.
«HHІ ǵasyr máselelerine qarsy turatyn mańyzdy jahandyq strategııalyq sheshimder qabyldaýda Qazaqstan óz áleýetin kórsete alady dep oılaımyn», - dep qorytyndylady G.Nasımova.
