Ǵ.Músirepov atyndaǵy Qazaq memlekettik akademııalyq balalar men jasóspirimder teatrynyń Astanadaǵy gastroli bastaldy
TANA. 10 qazan. QazAqparat /Gúlmıra Alıakparova/ - 10-14 qazan aralyǵynda Qazaqstan Táýelsizdiginiń 20 jyldyǵyn merekeleý aıasynda Almatydaǵy Ǵ.Músirepov atyndaǵy Qazaq memlekettik akademııalyq balalar men jasóspirimder teatrynyń Astana qalasyndaǵy K.Baıseıitova atyndaǵy Ulttyq opera jáne balet teatrynda gastroldik kúnderi ótedi.
QR Mádenıet mınıstrliginiń baspasóz qyzmetinen málim etkendeı, 5 kún boıy astanalyq kórermenderdiń nazaryna 6 sahnalyq qoıylym usynylatyn bolady. Olardyń beseýi - eresekterge arnalǵan. Atap aıtqanda, Ǵabıt Músirepovtiń «Qozy Kórpesh - Baıan sulý» (rej. Janat Hadjıev ) tragedııasy; Ermek Amanshaevtyń «Balkon» (rej. Saǵyzbaı Qarabalın) romantıkalyq ıllıýzııasy; Frıdrıh Shıllerdiń «Mahabbat pen ǵadaýat» (aýd. Talǵat Temenov, rej. Roman Vıktıýk) tragedııasy; Mar Baıdjıevtiń «Tunshyqqan sezim» (aýd. Raıymbek Seıitmetov, rej. Baltabaı Seıitmamytuly); Shyńǵys Aıtmatovtyń «Teńiz jaǵalaı júgirgen tarǵyl tóbet» (ınsts. jasaǵan jáne rej. Talǵat Temenov) spektakli.
Sonymen qatar, teatr 11-14 qazan aralyǵynda «Naýryz dýman» (avtory jáne rej. Murat Ahmanov) mýzykalyq-tanymdyq balalarǵa arnalǵan ertegi qoıylymdaryn tartý etetin bolady.
