Ǵ.Músirepov atyndaǵy balalar men jasóspirimder teatrynyń 67-shi maýsymy «Shyǵys sazy» komedııasymen jabyldy

29 mamyr kúni premerasy ótken bul qoıylymnyń avtory jáne rejısseri - Qazaqstannyń halyq ártisi Talǵat Temenov.

Óner ujymy bul maýsymda óz repertýaryn 5 qoıylymmen tolyqtyrdy. Olar - M.Áýezovtiń «Aı-Qaragóz...» tragedııasy, J.Soltıevanyń «Saǵym qýǵandar» mıstıkasy, Iran-Ǵaıyptyń «Fatıma» qasiret-namasy, Á.Tarazıdiń «Jaqsy kisi» tragıkomedııasy men S.Balǵabaevtyń balalarǵa arnalǵan «Eń alǵashqy Jańa jyl» mýzykalyq ertegisi.

Osy maýsym ishinde teatr Qyrǵyzstandaǵy Qazaqstannyń mádenı kúnderi kezinde Bishkektegi T. Abdýmomýnov atyndaǵy qyrǵyz ulttyq akademııalyq teatrynda gastroldik saparyn ótkizdi. Sondaı-aq Jańaózen, Astana qalalaryna da gastroldik saparmen baryp qaıtty.