G. Marchenko: Zeınetkerlik jasty joǵarylatý - erlerge qatysty ádilettilikti qalpyna keltirý
ALMATY. 17 mamyr. QazAqparat - Zeınetkerlik jasty ulǵaıtýdy áıelderge qatysty ádiletsizdik retinde qarastyrmaý kerek, bul óz kezeginde erlerge qatysty ádilettilikti qalpyna keltirý. Bul týraly búgin Almatyda baspasóz máslıhatyn ótkizgen QR Ulttyq bankiniń tóraǵasy Grıgorıı Marchenko málim etti.
«Biz osy máseleni AQSh-taǵy, Germanııadaǵy, Ispanııadaǵy nemese Shveıtsarııadaǵy áriptestermen talqylaǵan kezde, olar osy áńgimeniń negizin túsinbeıdi. Olardyń paıymynsha, basqa elderdegi sekildi bul qadam bizdiń memlekette erterekte iske asyrylǵan. Sebebi, Konstıtýtsııalyq túsiniktegi teńdik osy salada da bolýy tıis. Sondyqtan bul áıelderge qatysty eshqandaı da ádiletsizdik emes, buny erlerge qatysty ádilettilikti qalpyna keltirý dep qarastyrýǵa bolady»,-deıdi Ulttyq bank basshysy.
Onyń sózine qaraǵanda, qazirgi kezdegi zeınetkerlerdiń 72 paıyzy áıelder, sondaı-aq 28 paıyzy er azamattar.
«Zeınetkerlikke shyqannan keıin erler ortasha alǵanda 13 jyl ómir súredi, al áıelder 20,8 jyl. Bul kórsetkishter óte mańyzdy, sebebi, bul jaıynda kóbinese aıtylmaıdy nemese burmalap jatady»,-deıdi G. Marchenko.
