G.Marchenko Pragada ótken eýropalyq bankırlerdiń forýmyna qatysýshylardy Qazaqstan Úkimetiniń daǵdarysqa qarsy sharalarymen tanystyrdy
ASTANA. Naýryzdyń 27-si. QazAqparat - Naýryzdyń 22-25-i aralyǵynda Pragada Eýropalyq bankterdiń qarjylyq forýmy ótti.
«Álemdik qarjylyq arhıtektýra men negizgi álemdik valıýtalardyń keleshegi» taqyrybyn arqaý etken forýmǵa eýropalyq elderdiń ortalyq bankteri men AQSh-tyń federaldyq rezervtik júıesiniń basshylary, iri transulttyq kompanııalardyń ókilderi qatysty.
Forýmdy Cheh Respýblıkasynyń premer-mınıstri ıAn Fısher ashty. Qazaqstannyń Syrtqy ister mınıstrliginiń baspasóz qyzmetinen habarlaǵandaı, forým jumysyna Qazaqstannyń atynan Ulttyq banktiń basshysy Grıgorıı Marchenko qatysty.
Qazaqstannyń bas bankıri forýmǵa qatysýshylardy Qazaqstan Úkimeti qabyldap jatqan daǵdarysqa qarsy sharalarmen jáne ekonomıkanyń bank sektoryndaǵy ahýalmen, elimizdiń ekonomıkalyq damýynyń statıstıkalyq kórsetkishterimen tanystyrdy.
Chehııanyń Ortalyq banki mádenıent, bilim jáne ǵylymı-tehnıkalyq yntymaqtastyq máseleleri jónindegi «Komenıýs» paneýropalyq qoǵamymen birlesip uıymdastyrǵan Eýropalyq bankterdiń qarjylyq forýmy Ortalyq Eýropa men TMD elderi qarjy ınstıtýttary basshylarynyń qatysýymen ótetin iri is-sharalardyń biri.
