G.Marchenko: 2012 jyly eldiń halyqaralyq rezervteri 86,0 mlrd. dollarǵa ósti
ALMATY. 9 qańtar. QazAqparat - 2012 jyly eldiń halyqaralyq rezervteri Ulttyq qordyń shetel valıýtasyndaǵy aktıvterin qosa alǵanda (aldyn ala málimetter boıynsha 57,8 mlrd. AQSh dollary) 17,9 paıyzǵa, ıaǵnı 86,0 mlrd. dollarǵa deıin ósti.
Bul týraly QR Ulttyq bankiniń tóraǵasy Grıgorıı Marchenko búgin Almatyda ótken baspasóz máslıhatynda málim etti.
Bas bankırdiń aıtýynsha, 2012 jyldyń nátıjesi boıynsha, Ulttyq banktiń taza halyqaralyq rezervteri, negizinen, Ulttyq qordyń aktıvterin tolyqtyrý maqsatynda valıýtalardy satý esebinen 27,7 mlrd. dollarǵa nemese 3,6 paıyzǵa azaıdy. Taza valıýtalyq qorlar 12,3 paıyzǵa tómendep, altyndaǵy aktıvter júrgizilgen operatsııalar jáne álemdik naryqtarda onyń baǵasynyń (5,4 paıyzǵa) ósýi nátıjesinde 48,7 paıyzǵa artty. Aqsha bazasy 1,9 paıyzǵa keńeıip 2889,9 mlrd. teńge boldy. Tar aqsha bazasy, ıaǵnı ekinshi deńgeıli bankterdiń merzimdi depozıtterin eseptemegendegi aqsha bazasy 3,3 paıyzǵa 2831,0 mlrd. teńgege deıin ósti.
