G.Qaraǵusova: Elbasy - saıasat pen ekonomıkadaǵy ıdeıalar generatory
ASTANA. QazAqparat - Elbasy N.Nazarbaev - saıasat pen ekonomıkadaǵy ıdeıalar generatory. Búgin Aqordada QR Prezıdenti Nursultan Nazarbaevpen «Kóktem shýaǵy» atty kezdesýi barysynda Parlament Májilisiniń depýtaty Gúljan Qaraǵusova osylaı aıtty.
«Maǵan 20 jyldan asqan ýaqyt boıy Sizben birlese jumys isteý buıyrypty. Osy ýaqyt ishinde men Sizdiń danalyǵyńyzǵa, strategııalyq oılaryńyzǵa tánti bolyp kelemin. Kóregendigińiz, mámilegerligińiz, eń qıyn, kúrdeli jaǵdaılardan jol taba biletin danyshpandyǵyńyz, halyqtardy, memleketterdi biriktire alatyn bilgir, iskerligińizdi álem elderi moıyndaıdy. Siz árbir qazaqstandyqtyń armanyn ómirge engizdińiz. Ol arman - beıbit, jaıly memlekette ómir súrý bolatyn. Qazir eńbek etken kez-kelgen adam elimizde laıyqty ómir súre alatyn jaǵdaıǵa jetti», - dedi G. Qaraǵusova.
Onyń aıtýynsha, Elbasy saıasat pen ekonomıkadaǵy ıdeıalar generatoryna aınaldy. Buǵan «Nurly jol» baǵdarlamasy da kýá. «Óıtkeni, bul shyn máninde árbir qazaqstandyqqa arnalǵan áleýmettik baǵdarlama. Onda óz baspanasyna ıe bolý múmkindigi, jumysqa ornalasý múmkindigi, kásippen shuǵyldaný múmkindigi qamtylǵan. Biz búkil respýblıka boıynsha joldar jaqsy bolsa eken dep oılaıtynbyz, bul da osy baǵdarlamanyń ózegi», - dedi G. Qaraǵusova. Onyń paıymynsha, bul barsha qazaqstandyqtarǵa arnalǵan baǵdarlama, óıtkeni, árbir qazaqstandyq osyndaı ómirdi armandaıdy. «Biz álemniń barynsha damyǵan 30 eliniń qataryna umtylamyz. Al sol deńgeıdegi elderdi alyp qarasaq, biz qolǵa alyp otyrǵan osy jospardyń barlyǵy sol elderdiń ózinde laıyqty ómir úshin negiz bolyp tabylady. Osy rette biz oılaǵan josparymyzdy tolyq júzege asyrý úshin tynyshtyq pen beıbitshilikti, turaqtylyqty saqtaýǵa tıispiz», - dedi depýtat.
