G.Imashpaeva «Nazarbaev zııatkerlik mektepteriniń» úzdik muǵalimi atandy
ASTANA. 28 qvarasha. QazAqparat - Elordadaǵy fızıka-matematıkalyq baǵyttaǵy Nazarbaev zııatkerlik mektebinde «Nazarbaev zııatkerlik mektepteriniń úzdik muǵalimi - 2011» konkýrsy jeńimpazdaryn marapattaý rásimi ótti.
Konkýrstyń qorytyndysy boıynsha 1 oryndy Óskemen qalasyndaǵy hımııa-bıologııa baǵytyndaǵy Nazarbaev zııatkerlik mektebiniń oqytýshysy Gúljaına Imashpaeva jeńip aldy. Jeńimpazǵa «Nazarbaev zııatkerlik mektepteriniń úzdik muǵalimi - 2011» degen ataq berildi. 2 orynǵa Astana qalasyndaǵy fızıka-matematıkalyq baǵyttaǵy Nazarbaev Zııatkerlik mektebiniń oqytýshysy Jupat Ernııazova ıe boldy, al úshinshi oryndy Taldyqorǵan qalasyndaǵy fızıka-matematıkalyq baǵyttaǵy Nazarbaev zııatkerlik mektebiniń oqytýshysy Nadejda Kýlık pen Astana qalasyndaǵy fızıka-matematıkalyq baǵyttaǵy Nazarbaev zııatkerlik mektebiniń oqytýshysy Roman Shelıag bólisti.
«Nazarbaev zııatkerlik mektepteri» DBBU Basqarma tóraıymy Kúlásh Shámshıdınovanyń aıtýynsha, barlyq qatysýshylar kásibı sheberlikterin jáne joǵary dengeıin kórsetti.
Jyldyń sońyna qaraı ótken is shara, muǵalimderdiń kásibı qyzmetterin qorytyndylady. Konkýrsqa Astana, Kókshetaý, Óskemen, Taldyqorǵan, Semeı qalalaryndaǵy Zııatkerlik mektepterden úsh úmitkerden, aǵylshyn tili, hımııa, fızıka, bıologııa, matematıka jáne taǵy basqa pánderdiń muǵalimderi qatysty. Árbir qatysýshy aldymen óz aımaǵynda mektepshilik irikteýden ótti.
Konkýrstyń sońynda qazaqstandyq tanymal «Rıngo» toby óner kórsetti.
