G. Golovkınniń WBO nusqasy boıynsha chempıon Endı Lımen kezdesýi yqtımal
ASTANA. QazAqparat - Qazaqstandyq boksshy, WBA (Super), IBO jáne WBC (Interim) nusqalary boıynsha ortasha salmaqtaǵy álem chempıony, 32 jastaǵy Gennadıı Golovkın WBO nusqasy boıynsha chempıon ırlandııalyq Endı Lıdiń tıtýlyn kózdep otyr, dep habarlady Boxingscene.com. portaly.
Bul ataqty Endı Lı birneshe apta buryn reseılik Matveı Korobovty nokaýtqa túsirip, jeńip alǵan edi. Golovkın jekpe-jekten úlken áser alǵanyn jáne aldaǵy ýaqytta jeńimpazben kezdesýge shyqqysy keletinin málimdedi.
Sonymen birge, qazaqstandyq óziniń kelesi qarsylasy brıtandyq Martın Mıýrreımen ótetin kezdesýdiń de asa mańyzdy ekendigin atap ótti. Olardyń arasyndaǵy jekpe-jek Monakoda 21 aqpanda bolady. «Mıýrreı jaqsy boksshy, ol óte kúshti, aramyzda tartysqa toly kezdesý ótkeli tur, alaıda men oǵan daıyn bolamyn», - dep qosty qazaqstandyq.
