G.Golovkınniń Qazaqstandaǵy jekpe-jegi 2015 jyly Astana kúninde ótýi múmkin
ASTANA. QazAqparat - Gennadıı Golovkınniń Qazaqstandaǵy boks keshi 2015 jyly Astana kúninde ótýi múmkin. Bul týraly boksshynyń ózi QR Mádenıet jáne sport mınıstri Arystanbek Muhamedıulymen kezdesýi barysynda málim etti.
«Sizben tanysqanyma qýanyshtymyn. Men úıde kóp bola bermeımin. Jyly jaqqa ushyp, sonda demalýǵa múmkindik boldy. Biraq men ózimniń týǵan elime keldim. Otanyma qurmet kórsetkim keldi. Qaraǵandyda turatyn anama soqtym, birneshe kún sonyń qasynda boldym. Kóp adamdarmen qaýyshtym», - dedi G.Golovkın.
Onyń aıtýynsha, boksshy Qazaqstan Boks federatsııasynyń prezıdenti Tımýr Qulybaevpen júzdesken. «Qaraǵandy oblysynyń ákimimen jáne Astana basshysymen kezdestim. Ádilbek Ryskeldiulymen josparymyzben bólistik. Kelesi jyly Astanada sheteldiń tanymal boksshylaryn shaqyryp, keremet boks shoýyn uıymdastyrýdy oılap otyrmyz. Ony Astana kúninde ótkizýdi josparladyq. Biz HBO telearnasymen birlesip jumys jasaýdamyz, sondyqtan barlyǵy oıdaǵydaı bolady. Ázirge boksshylardyń esimin atamaımyn. Ózimizdiń elordamyzdy shet memleketterge kórsetip, Qazaqstan Ánuranynyń oınaǵanyn qalaımyn», - dedi sportshy.
