G. Golovkınniń 2 nokaýty 2013 jylǵy TOP-20 nokaýttar tizimine endi
ASTANA. 16 qańtar. QazAqparat - WBA nusqasy boıynsha orta salmaqta bokstan álem chempıony Gennadıı Golovkınniń 2 nokaýty TheTrueChamp.Com portaly túzgen 2013 jylǵy TOP-20 nokaýttar tizimine endi, dep habarlady Vesti.kz.
Dúnıejúzilik reıtıngtiń eń basynda Golovkın men Mettıý Maklın arasyndaǵy jekpe-jek tur. Este bolsa, bizdiń boksshy úshinshi raýndta qarsylasyn baýyrynan uryp, búk túsirgen edi. Aýyr soqqydan eseńgiregen brıtanııalyq birneshe mınýt es jııa almaı qalǵan bolatyn. Golovkınniń japondyq Nobýhıro Ishıdony sulatqan kelesi nokaýty atalǵan reıtıng úshtigin qorytyndylap tur. Qazaqstan sportshysy bul jekpe-jegin de úshinshi raýnda aıaqtaǵan bolatyn.
