G. Golovkınnen qazirgi sátte orta salmaqtaǵy boksshylardyń barlyǵy seskenedi - Denıel Gıl
ASTANA. 26 shilde. QazAqparat - IBF chempıony avstralııalyq boksshy Denıel Gıl sharshy alańda qazaqstandyq Gennadıı Golovkınmen kezdeskisi keledi, dep habarlaıdy Vesti.kz.
«Men Golovkınmen 2001 jyly Osakada Shyǵys Azııa oıyndarynda judyryqtasqanmyn, - dep atap aıtty Gıl. - Ol meni upaı boıynsha jeńgen. Golovkın - óte qaýipti sportshy. Jaqynda ol brıtandyq Mettıý Maklındi sulatty. Men uzaq ári tartysty kúres bolady dep oıladym, biraq Golovkın ony úshinshi raýndta eseńgiretti. Qazirgi sátte orta salmaqtaǵy boksshylardyń barlyǵy odan seskenedi. Biraq men onymen judyryqtasýǵa daıynmyn».
Gıl 30 jastaǵy brıtandyq Darren Barkerge qarsy óziniń kelesi jekpe-jegin AQSh-ta 17 tamyzda ótkizetinin esterińizge sala keteıik. Al G. Golovkın, óz kezeginde, rıngke sońǵy ret 30 maýsymda shyqqan. Dál sol kezde ol Maklındi sulatqan. Qazaqstandyq sportshynyń kelesi qarsylasy kim bolatyny ázirge belgisiz.
