G. Golovkınmen jekpe-jek úshin meksıkalyq kishi Chaveske 7 mln. dollar usynylǵan
ASTANA. QazAqparat - Top Rank promoýterlik kompanııasynyń basshysy Bob Arým orta salmaqtaǵy álem chempıony qazaqstandyq Gennadıı Golovkın men meksıkalyq Hýlıo Sezar kishi Chaves arasyndaǵy jekpe-jektiń nelikpen ótpeıtindiginiń jaı-japsaryn aıtyp berdi.
Chaveske 7 mln. dollar kóleminde usynys jasalǵanyna toqtalǵan Arým, «eger de ol osydan keıin taǵy bir jekpe-jek ótkizse, ıaǵnı jeńilgen jaǵdaıda 5 mln. dollar, al eger jeńgen kezde kem degende 10 mln. dollardy alatyn edi»,-dedi.
Sonymen qatar Bob Arým Golovkınmen aradaǵy jekpe-jekke tólenetin qarjy Chavestiń kóńilinen shyqqandyǵyn, alaıda oǵan Top Rank-pen kelisimshart aıasynda taǵy bir jekpe-jek ótkizý mindettemesi unamaǵanyn jetkizdi.
Esterińizge sala keteıik, Golovkın men Chaves arasyndaǵy kezdesý Los-Andjeleste 19 shilde kúni ótedi dep josparlanǵan edi. Qazirgi ýaqytta qazaqstandyq boksshynyń promoýteri Tom Leffler G. Golovkınge jańa qarsylas izdestirýmen aınalysyp jatyr, dep jazady Vesti.kz.
