G.Golovkınge «sýperchempıon» ataǵy beriledi
ASTANA. 13 qarasha. QazAqparat - Búkilálemdik boks qaýymdastyǵy (WBA) maǵan «sýperchempıon» ataǵy bermek. Bul týraly búgin Astanada ótken baspasóz máslıhatynda Qazaqstannyń kásibı boksshysy, WBA serııasy boıynsha álem chempıony Gennadıı Golovkın málim etti.
«Dál qazir jaǵdaı bylaı bolyp tur. WBA, ıaǵnı Búkilálemdik boks qaýymdastyǵy meniń mártebemdi ózgertip, «sýperchempıon» ataǵyn bergeli jatyr. Sol sebepti jańa usynystar, jańa qarsylastar bolady. Búgingi tańda úmitkerler joq. Sodan naqty kelisimsharttar da baıqalmaıdy. Maǵan ushyp baryp, sol jerde kelisý kerek», - deıdi G.Golovkın.
Aıta keteıik, G.Golovkınniń kelesi jekpe-jegi aqpannyń 1-ine josparlanǵan. Alaıda búginde naqty qarsylas joq bolyp tur.
