G.Golovkındi jekpe-jekke shaqyrǵan boksshy óz qarsylasyn nokaýtqa jiberdi
ASTANA. QazAqparat - Reseılik boksshy Dmıtrıı Chýdınov orta salmaqtaǵy WBA chempıony ataǵyn sátti qorǵap shyqty, dep habarlaıdy Vesti.kz.
27 jasar Dmıtrıı Chýdınov Sevastopol qalasynda frantsýz Mehdı Býadlaǵa qarsy ótkizgen bolatyn jáne ony aıqyn basymdyqpen jeńdi.
Reseılik boksshy jekpe-jekti óte qarqyndy bastady, birinshi raýndtyń ózinde ol qarsylasynyń baýyrynan qatty soqqy jasap, nokdaýnǵa jiberdi. Ekinshi raýndta Býadla taǵy eki márte nokdaýn aldy jáne úshinshi kezeńge deıin áreń shydas berdi. Úshinshi raýndta Býadlanyń áýselesi quryǵany sonshalyq, bas qazy kezdesýdi toqtatýdy jón dep sheshti. Aıta keteıik, bunyń aldynda Chýdınov qazaqstandyq kásipqoı boksshy, WBA (Super) jáne IBO chempıony Gennadıı Golovkındi jekpe-jekke shaqyrǵan bolatyn. «Men úshin bul jekpe-jek úlken qurmet bolar edi, sebebi Gennadıı Golvkın qazir úlken juldyz», - dedi ol.
