G.Golovkın WBA boıynsha orta salmaqta L.Saımondy birinshi raýndta nokaýtqa jiberip, álem chempıony ataǵyn qorǵap qaldy
ASTANA. 12 jeltoqsan. QazAqparat - WBA nusqasy boıynsha orta salmaqtaǵy álem chempıony 29 jastaǵy qazaqstandyq Gennadıı Golovkın birinshi raýndta 32 jastaǵy amerıkandyq Lahýan Saımondy nokaýtpen jeńip, ataǵyn qorǵap qaldy, dep habarlady Sports.kz.
Jekpe-jek senbi kúni, 10 jeltoqsanda ótti jáne nebári 2 mınýttan sál astam ýaqytqa sozyldy. L.Saımon shabýyl kezinde sol jaqtan berilgen qatty soqqydan nokaýtqa tústi. Referı sanap bitkenshe amerıkandyq ornynan tura almady.
