G.Golovkın Ýordtan qashyp júrgen joq - T.Leffler
ASTANA. QazAqparat - Orta salmaqta WBA (SUper)/IBO chempıony qazaqstandyq boksshysy Gennadıı Golovkınniń promoýteri Tom Leffler sýper orta salmaqta WBA nusqasy boıynsha álem chempıony Andre Ýordtyń Gennadııdiń ózimen judyryqtasýdan qashyp júr degen málimdemesine jaýap qaıyrdy, dep habarlady vesti.kz.
Aıta keteıik, buǵan deıin Ýord G.Golovkınmen jekpe-jek ótkizgisi keletinin, biraq qarsylasynyń qashyp júrgenin aıtqan edi. Osyǵan oraı qazaq boksshysynyń promoýteri bul jaıdyń mánin ashyp berýge tyrysty.
«Eń aldymen Ýord basqa dıvızonda judyryqtasady, ol - sýper orta salmaqtaǵy boksshy. Sondyqtan da óz dıvızonyńda bolmaǵan boksshydan qashý óte qıyn. Iá, Gennadıı eger aıryqsha jekpe-jek bolatyn bolsa, onda joǵary kategorııaǵa kóterilgisi keletinin aıtqan edi. Men Gennadıımen judyryqtasýdan qashatyn orta salmaqtaǵy kóptegen boksshylardyń bar ekenin aıta alamyn. Degenmen, Ýordpen jekpe-jek - óte qyzyqty nusqa», - dedi ol.
Esterińizge sala keteıik, 26 shilde kúni G.Golovkın Nıý-Iorkte kelesi kezdesýin ótkizedi. Onyń qarsylysy - álemniń eks-chempıony avctralııalyq Denıel Gıl.
