G.Golovkın sharshy alańdaǵy tartymdy urys máneriniń arqasynda tanymal bolýda
ASTANA. QazAqparat - Qazaqstandyq boksshy Gennadıı Golovkınniń kezekti sporttyq zor jeńisi jaıynda sheteldik jáne reseılik bedeldi basylymdar men telearnalar jarysa habarlaýda.
Qazaqstandyq óziniń sharshy alańdaǵy tartymdy urys máneriniń arqasynda zor tanymaldyqqa ıe boldy. Onyń tek úsh qarsylasy ǵana barlyq raýndqa shydaı aldy, dep habarlady TASS.
G.Golovkın nokaýtpen jeńý serııasyn 18 jekpe-jekke jetkizdi. Onyń qarsylastaryn nokaýtpen jeńýi álem chempıondary arasynda rekordtyq kórsetkish bolyp otyr. Ol 90 paıyzdy quraıdy. Qazaqstandyq boksshy 2010 jyldan beri chempıondyq belbeýge ıe ári kásibı rıngte jeńilistiń aşy dámin tatqan emes.
Basylymnyń jazýynsha, G.Golovkıniń kelesi qarsylasy 76,2 keli salmaq sanatyna deıin WBA nusqasy boıynsha álem chempıony amerıkandyq Andre Ýord bolýy múmkin.
