G.Golovkın Pound for pound (P4P) salmaq dárejesinen tys úzdik boksshylar reıtinginde ekinshi orynnan kórindi

Reıtıngti ESPN sporttyq arnasy qurastyrǵan, dep jazady vesti.kz. Sportshylardy arnaıy shaqyrylǵan sarapshylar anyqtaıdy. Olardyń árqaısysy boksshylarǵa upaılar beredi. Birinshi oryn úshin on, ekinshi orynǵa - toǵyz upaı beriledi.

Gennadıı Golovkındi birinshi orynǵa sarapshylardyń bireýi ǵana qoıǵanyn atap ótý kerek. Daýys berý kezinde qazaqstandyq sportshy barlyǵy 76 upaı jınaǵan. Aldyńǵy reıtıngte Gennadıı Golovkın úshinshi orynda boldy.

Reıtıngtiń basynda Roman Gonsales (Nıkaragýa) tur. Ol eń jeńil salmaqtaǵy álem chempıony bolyp tabylady. Úshinshi orynda - fılıppındyq Mennı Pakıao. Sondaı-aq úzdikter ondyǵyna Gılermo Rıgondo (Kýba), Sergeı Kovalev (Reseı), Andre Ýord (AQSh), Tımotı Bredlı (AQSh), Vladımır Klıchko (Ýkraına), Mıgel Kotto (AQSh) jáne Saýl «Kanelo» Alvares (Meksıka) kirdi.