G.Golovkın Otanyn tastap jyraqqa ketpeıdi
ASTANA. QazAqparat - WBA (Super) jáne IBO nusqalary boıynsha orta salmaqta álem chempıony Gennadıı Golovkın Otanyn tastap jyraqqa ketpeıdi.
Búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Qaraǵandy oblysynyń ákimi Nurmuhambet Ábdibekov osylaı málim etti.
Ákim óz sózinde dańqty boksshymen birneshe márte tildeskenin jáne onyń elden jyraqqa ketý oıynda da joq ekendigin basa aıtty.
«Meniń bilýimshe, G.Golovkın elden ketpek emes. Tipti, ol oıynda da joq. Taıaýda ǵana odan «Siz Reseıdiń atynan óner kórsetýge kelisesiz be?», dep suraǵan bolatyn. Sonda ol: «Men Qazaqstanda dúnıege keldim, anam sol elde turyp jatyr. Men ózimdi qazaqpyn dep sanaımyn», dep jaýap bergen edi. Budan bólek Qazaqstan halqy Assambleıasynda Golovkın: «Ákem - orys, sheshem - káris, al men qazaqpyn», dep aǵynan jarylǵany este. Menińshe de ol eshqaıda ketpeıdi», - dedi ákim.
