G.Golovkın Muhammed Álıdiń qurmetine uıymdastyrylǵan qaıyrymdylyq keshke qatysty (FOTO)
ASTANA. QazAqparat - Qazaqstandyq tanymal boksshy Gennadıı Golovkın AQSh-tyń Arızona shtaty Fınıks qalasynda ótken «Celebrity Fight Night» qaıyrymdylyq keshine qatysty. Bul týraly GGG-diń VKontakte áleýmettik jelisindegi resmı paraqshasynda habarlandy.
AQSh-taǵy elıtaly qaıyrymdylyq keshteriniń biri Celebrity Fight Night - Muhammed Álıdiń qurmetine uıymdastyrylyp keledi.
Oǵan AQSh-tyń túkpir-túkpirindegi tanymal ári kásibı sportshylar qatysyp, kesh aıasynda bássaýda ótti. Sondaı-aq, batystyń shoý bıznesi óner kórsetti. 20 jyldan beri turaqty uıymdastyrylyp kele jatqan Celebrity Fight Night qaıyrymdylyq sharasy osy ýaqyt aralyǵynda 100 mln. dollar jınap, Barroý nevrologııalyq ınstıtýty janyndaǵy Muhammed Álı atyndaǵy Parkınson ortalyǵyna aýdarǵan.
