G.Golovkın men Mıýrreı jekpe-jegi 5 raýndtan aspaıdy - Abel Sanches
ASTANA. QazAqparat - WBA nusqasy boıynsha álem chempıony Gennadıı Golovkınniń bapkeri Abel Sanches Martın Mıýrreımen ótetin aldaǵy saıysqa qatysty boljam jasady, dep jazady sports.kz.
Eske sala keteıik, 21 aqpan kúni Monte-Karloda G.Golovkın Martın Mıýrreımen qolǵap túıistiredi. «Men rıngtegi qarsylasqa ýaıymdaýdan góri ózim jattyqtyratyn boksshynyń qamyn kóbirek oılaıtyn bapkerler qatarynanmyn. Osy oraıda kerisinshe, Mıýrreı Gennadııge beıimdelsin degim keledi. Gennadıı ony nokaýtqa jiberýge daıyndalyp jatyr, menińshe jekpe-jek 5 raýndtan aspaıdy. Biz Mıýrreıdi tıtýlsyz chempıon dep sanaımyz. Ol Germanııada Shtýrmdy, Anglııada Martınesti tize búktirgen edi», - dedi Abel Sanches.
