G. Golovkın men M. Maklın arasyndaǵy jekpe-jek resmı túrde rastaldy
ASTANA. 12 sáýir. QazAqparat - Bokstan WBA jáne IBO dárejeleri boıynsha ortasha salmaqtaǵy álem chempıony, jerlesimiz Gennadıı Golovkın jáne brıtandyq Mette Maklın arasyndaǵy kezdesý resmı túrde rastaldy.
Bul týraly BoxingScene.com. saıtyna silteme jasaǵan Vesti.kz tilshisi habarlap otyr.
Jekpe-jek bıylǵy jyldyń 29 maýsymynda Mashantýkte (AQSh Konnektıkýt shtaty) Foxwoods Resort Casino sharshy alańynda ótpek. Bul Boxing After Dark serııasynyń sheńberinde NVO telearnasyndaǵy iri sharaǵa aınalmaq.
Atalmysh kezdesý qazaqstandyq bylǵary qolǵap sheberi úshin bıylǵy úshinshi jekpe-jek jáne ol WBA belbeýin 8-shi márte qorǵamaq. Brıtandyq sońǵy jekpe-jegin ótken jyldyń 15 qyrkúıeginde ótkizip, gaıtıandyq Djoashım Alsındi nokaýtqa jibergen bolatyn. Biraq oǵan deıin Maklın nemis Felıks Shtýrmǵa, keıin argentındik boksshy Serhıo Gabrıel Martıneske ese jibergen edi.
Aıta keteıik, G.Golovkın sońǵy jekpe-jeginde japondyq Nobýhıro Ishıdany esinen tandyrǵan bolatyn.
