G. Golovkın men D. Sádýaqasova 2013 jyldyń úzdik sportshylary
ASTANA. 8 qańtar. QazAqparat - Qazaqstandyq Sport Review jýrnalynyń oqyrmandary Gennadıı Golovkın men Dınara Sádýaqasovany 2013 jyldyń úzdikteri dep tanydy.
Basylymnyń habarlaýynsha, úzdik sportshy ataǵyna daýys berý 31 jeltoqsanda saǵat 23:59:59 kezinde aıaqtaldy.
2010 jáne 2011 jyldary erler atalymynda sáıkesinshe Aleksandr Vınokýrov pen Ilıa Ilın jeńimpaz boldy. Al ótken jyly bul atalymda Gennadıı Golovkın úzdik tanylyp otyr. Ol jalpy daýystardyń ishinde 60,9 paıyzyn jınaǵan. Ekinshi jáne úshinshi oryndardy Denıs Kýzın men Alekseı Poltoranın bólisti. Tórtinshi orynda Andreı Fınonchenko, al besinshi bolyp Denıs Ten tuǵyrlandy.
Al qyzdar arasynda D. Sádýaqasova 32,6 paıyz daýys jınap, úzdik atansa, 30,4 paıyz daýyspen Ekaterına Larıonova ekinshi orynda. Úshinshi orynǵa Margarıta Muqasheva laıyq dep tanyldy.
Daýys berý redaktsııaǵa elektrondyq hat jiberý arqyly júrgizildi. 2013 jyldyń úzdik sportshylaryna arnaıy tapsyryspen jasalǵan asyl metalldar men baǵaly aǵashtardan jasalǵan músinder tapsyrylady.
