G.Golovkın Mehıkoda WBC Interim belbeýine resmı túrde ıe boldy (FOTO)
ASTANA. QazAqparat - Meksıka astanasynda qazaqstandyq boksshy Gennadıı Golovkınge WBC (Interim) belbeýin tapsyrý resmı saltanaty ótti, ol muny Marko Antonıo Rýbıomen jekpe-jekte jeńip alǵan edi. Bul týraly VKontakte jelisindegi GGG qoǵamdastyǵynyń paraqshasynda habarlandy.
Belbeýdi tapsyrý rásimi baspasóz máslıhaty kezinde ótkizildi, oǵan boksshy jáne onyń komandasynyń músheleri - promoýter Tom Leffler, jattyqtyrýshy Abel Sanches, sondaı-aq WBC prezıdenti Maýrısıo Sýleıman qatysty.
Baspasóz máslıhatynan keıin Gennadııdiń jankúıerleri sportshymen sýretke túsip, odan qoltańba alý múmkindigine ıe boldy.
Budan buryn habarlanǵandaı, WBA (Super) jáne WBC (Interim) nusqasy boıynsha álem chempıony Meksıkada júr, ol meksıkandyq televıdenıe habarlarynyń birine qatysty, eldiń týrızm mınıstrimen kezdesti. Sondaı-aq boksshy jergilikti balalar klınıkasynda bolmaq.
