G. Golovkın: Lememen jekpe-jek men úshin úlken synaq
ASTANA. QazAqparat - Nıý-Iorktegi ashyq jattyǵý kezinde Gennadıı Golovkın Davıd Lememen kezdesýdiń mańyzdylyǵy men orta salmaq dárejesindegi jaǵdaı týraly aıtty, dep habarlady Sports.kz.
- Bul men úshin úlken synaq. Ol - IBF chempıony. Bul mańyzdy oqıǵa, pay-per-view. Qazir orta salmaq dárejesinde qyzyqty jaǵdaı qalyptasty. Úsh-tórt myqty boksshy bar dep oılaımyn. Olardyń ishindegi úzdigi kim ekenin anyqtaý mańyzdy, - degen Gennadııdiń sózderin boxing247.com keltirdi.
Eske sala keteıik, Golovkın - Leme jekpe-jegi 17 qazanda Nıý-Iorkte Madisson Square Garden-de ótedi.
