G. Golovkın bokstan Qazaqstannyń ulttyq quramasynyń nátıjelerin syn tezine aldy
ASTANA. 27 jeltoqsan. QazAqparat /Rýslan Ǵabbasov/ - Álem chempıony qazaqstandyq Gennadıı Golovkın bokstan Qazaqstan ulttyq quramasynyń nátıjelerin synǵa aldy.
Bul jaıynda ol búgin Astanada málim etti.
«Áýesqoı bokstan elimizdiń sportshylarynyń nátıjeleri kóńil kónshitpeıdi. Atap aıtqanda Qazaqstan quramasynyń aldyńǵy qatarda júrýine barlyq jaǵdaılar bar. Jalpy elimizde boksty damytýǵa qajetti jaǵdaı barynsha jasalyp jatyr. Sondyqtan da birinshi oryndy ıelenbeý uıat sekildi»,-dep synǵa aldy kásipqoı boksshy.
Sóz sońynda G. Golovkın Qazaqstan quramasynyń qorytyndy nátıjesin endi Londondaǵy olımpıadadan keıin baǵalaýǵa bolatynyn eskerip ótti.
