G.Golovkın aıtýly boksshylarmen bolashaqta emes, qazir jekpe-jekke shyqqysy keletinin aıtty
ASTANA. QazAqparat - WBA jáne IBO nusqalary boıynsha orta salmaqtaǵy álem chempıony Gennadıı Golovıkınniń aıtýynsha, oǵan aıtýly, úlken saıystar bolashaqta emes, qazirgi ýaqytta kerek, dep jazady Sports.kz.
Bul týraly boksshy kishi Vıllı Monrony jeńgennen keıin aıtqan.
«Men Mıgel Kottony qurmetteımin, ol - myqty chempıon. Onyń kelesi jekpe-jeginde jeńiske kim jetetinin bilmeımin, biraq men, bul aıqasty kútemin. Men onymen bolashaqta emes, dál qazir qolǵap túıistirgim keledi. Qazir men úshin Kanelo, sol sekildi ataqty, úlken boksshylar ǵana mańyzdy», - dedi G.Golovkın. Eske sala keteıik, WBA jáne IBO nusqalary boıynsha orta salmaqtaǵy álem chempıony Gennadıı Golovıkın búgin kásibı sharshy alańda kezekti sózsiz jeńisine qol jetkizdi. Bul joly ol Kalıfornııada 28 jastaǵy amerıkalyq boksshy kishi Vıllı Monrony nokaýtpen jeńdi.
