Ǵ. Esim: Qazaqtyń Renessans ǵasyry degen eldik tilekten týǵan izgi sana - ıdeıa
MATY. 12 qyrkúıek. QazAqparat /Ádilet Musahaev/ - Ál-Farabı atyndaǵy Qazaq Ulttyq ýnıversıteti oqý jyly bastalǵan saıyn ýnıversıtettik lıderlik dáristerdi ótkizýdi dástúrge aınaldyryp keledi.
Jýyrda bilim ordasynyń fılosofııa jáne saıasattaný fakýltetinde «Qazaqtyń renessans ǵasyry (qazirgi zaman qundylyqtary týraly)» taqyrybynda Qazaqstan Respýblıkasy Ulttyq Ǵylym Akademııasynyń akademıgi, fılosofııa ǵylymdarynyń doktory, professor, Qazaqstan Respýblıkasy Parlamenti Senatynyń depýtaty Ǵarıfolla Esimniń dárisi ótti.
Professordyń lıderlik dárisinde qazaqtyń renessans ǵasyry sonyń ishinde, qazirgi zaman qundylyqtary týraly máseleler kóterildi. Lektordyń sózimen aıtqanda: «Qazaqtyń Renessans ǵasyry degen eldik tilekten týǵan izgi sana - ıdeıa. Onyń bolmysy - Qazaq eliniń búgingi kúni. Renessans ıdeıasy - ótken ǵasyrdyń 60-jyldarynan bastaý alyp, 1991 jyly egemen el atanǵanda aıqyndalyp, búgingi turmys, bolmysymyzben tolyǵyp, jetilip, keleshekke bastaıtyn eldik ıdeıanyń sara baǵytyna aınaldy.
Sol renessanstyń tikeleı ókilderi sanalatyn jas urpaqpen kezdesýge kelgen ǵalym, fılosof Ǵarıfolla Esim din jaıynda áńgime qozǵap, qazirgi qoǵamda oryn alyp jatqan qubylystarǵa toqtalyp ótti.«Jaqynda Parlamentke dinı qyzmet, dinı birlestikter degen zań jobasy tústi. Osy din máselesi týraly 2001 jyly áńgime kóterip, dintaný negizderin mektep baǵdarlamasyna kirgizip edim, 2002 jyly «Dintaný negizderi» degen oqýlyq jazdym. Oqýlyq keıin qalyp qoıdy da, qazir qaıtadan sol oqýlyqty berip jatyrmyz. Sol kezde qıyn bolady dep aıtyp edim, qazir qıyndyqqa týra keldik. Men qazir «Bilge-Qorqyt» degen úlken halyqaralyq baǵdarlama jasap jatyrmyn. Biz atalmysh baǵdarlamamen buıyrtsa, magıstrlerdi túrki elderinde daıyndaımyz»,- dep atap ótti ol.
