Ǵarifolla Esim: Búginnen bastap aty-jónimdi latyn álipbıinde jazamyn
«Kez kelgen istiń ózindik beıimdelý protsesi bolady. Máselen, men Qazaqstan Respýblıkasynyń azamaty retinde búginnen bastap tegimdi, ákemniń atyn, óz atymdy, jaqyn adamdardy latyn grafıkasynda jazýdy qarqyndy túrde bastamaqpyn. Óıtkeni, beıimdelý degen dál osylaı bastalady. Sizderge de soǵan keńes beremin. Kez kelgen uıym, kez kelgen adam beıimdele bastaýy qajet», - dedi ol.
Osy rette akademık qujattamalardy da birtindep beıimdeı bastaý durys bolaryn basa aıtty.
«Onda turǵan qandaı qıyndyq bar? Bul áripterdiń barlyǵy belgilengen, barshamyzǵa aıan. Men ózim nemis, aǵylshyn tilderin oqyǵanmyn. Bul toptaǵy tilderdiń barlyǵy maǵan, al jastarǵa tipti belgili. Jastar, sizder bir-birlerińizge latyn álipbıinde jazasyzdar ǵoı, solaı emes pe? Solaı. Endeshe sizderge bul esh qıyndyq týdyrmaıdy. Beıimdelý qajet, bezinýdiń reti joq, daǵdylaný kerek», - dedi Ǵarıfolla Esim.
