Ǵ.Ámrın jaldamaly turǵyn úı baǵdarlamasynyń resmı bastalǵandyǵyn jarııa etti
Marlan Jıembaı/ - Búgin elorda basshysy Imanǵalı Tasmaǵambetov jáne «Samuryq-Qazyna» ÁAQ» AQ basqarmasynyń tóraǵasy Qaırat Kelimbetovtiń basshylyǵymen Astanadaǵy úleskerlik qurylys nysandaryn aıaqtaý máseleleri boıynsha kóshpeli keńes ótip, onda «Samuryq-Qazyna» Jyljymaıtyn múlik qory» basqarmasynyń tóraǵasy Ǵosman Ámrın jaldamaly turǵyn úı baǵdarlamasynyń resmı bastalǵandyǵyn jarııa etti.
Turǵyn úılerdi bólý erejesiniń qabyldanǵanyn atap ótken ol, «sizder búgin birqatar nysandardy, onyń ishinde paıdalanýǵa berilgen «Ál-Arqa» jáne «Aqjaıyq» turǵyn úı keshenderin aralaýymyzdyń kýási boldyńyzdar. Biz ýáde etkendeı, naýryz aıynda «Aqjaıyq» turǵyn úıin beretin bolamyz. Qazirgi ýaqytta bizdiń aktsıoner qalalyq ákimdiktiń sáıkes sheshimin kútip otyr. Osy sheshim bizge túskennen keıin adamdardy bul nysandarǵa qonystandyratyn bolamyz. Sondyqtan jaldamaly turǵyn úı baǵdarlamasy bastaldy dep aıta alamyn», dedi.
Onyń atap ótýinshe, turǵyn úı tólem qabiletin rastaǵan azamattarǵa páteri bolmaǵan jaǵdaıda berilmek.
«Qurylysy aıaqtalǵan úılerdiń birqatar páterleri aktsıonerlerdiń, úkimettiń kvotasy, qalǵan bóligi ákimdiktiń jelisi boıynsha bólinedi», dedi Ǵ.Ámrın
