Ǵ.Ahmedııarov mádenıet salasyndaǵy jańa zańnyń erekshelikterin atady

ASTANA. QazAqparat - Búgin QR Prezıdenti janyndaǵy OKQ-degi brıfıngte QR Mádenıet jáne sport vıtse-mınıstri Ǵalym Ahmedııarov mádenıet salasyndaǵy jańa zańnyń erekshelikterin atady.

«Jańa Zań Qazaqstan Respýblıkasynyń mádenıet saıasaty tujyrymdamasynyń maqsattaryn júzege asyrýǵa baǵyttalǵan. Onda zamanaýı, mádenı klasterlerdi salalyq, kórkemdik keńester qurý arqyly túbegeıli túrlendirý, basqarýshylyq sheshimderdi úılestirý kózdelgen», - dedi ol.

Vıtse-mınıstrdiń atap ótýinshe, zań elimizdiń materıaldyq emes mádenı murasyn qorǵaýǵa sep bolýymen qatar elimizdiń BUU-nyń materıaldyq emes muralardy qorǵaý týraly konventsııasyna negizdelgen qyzmetterine tolyqqandy qatysýǵa múmkindik beredi.

«Sonymen qatar mádenıet salasyndaǵy zańnama jetildirý birqatar zańnamanyń, normatıvtik-quqyqtyq aktilerdi ázirlep, bekitetin ókiletti organdardyń quziretin jetildirýdi boljaıdy», - dedi Ǵ.Ahmedııarov.