G.Ábdiqalyqova mektep túlekterine medıtsınaǵa barýǵa keńes beredi
Búgin QR Eńbek jáne halyqty áleýmettik qorǵaý mınıstrligi men «Bas redaktorlar klýby» qoǵamdyq birlestigi arasynda yntymaqtastyq memorandýmyna qol qoıylǵannan keıin BAQ ókilderiniń saýalyna jaýap bergen mınıstr Gúlshara Ábdiqalyqova osylaı dedi.
«Bizde medıtsına qyzmetkerleriniń jetispeıtindigin basa aıtqym keledi. Biz jastarǵa elimizdiń bolashaǵy úshin, halqymyzdyń densaýlyǵy úshin medıtsınaǵa baryńyzdar deımiz. Ásirese, úzdikterge aıtamyz. Óıtkeni kim jaqsy bilim alsa, sol halyqtyń densaýlyǵyn emdeýmen aınalysýy kerek», - dedi ol.
Mınıstrdiń atap ótýinshe, elimizde ındýstrııalyq baǵdarlamanyń júzege asyrylýyna baılanysty tapshy kadrlar tizimine qazirgi ýaqytta kóbine sheteldik jumys kúshi tartylyp otyrǵan ınjenerler, mashına jasaý salasy qyzmetkerleri kiredi.
Sondaı-aq onyń sózine qaraǵanda mınıstrliktiń resmı saıtynda elimizdiń 12 myńnan astam mekemelerine qajetti mamandyqtardyń tizimi berilgen. Bul rette dánekerleýshiler, elektromonterler, mehanızatorlar, slesarlar, kran mashınısteri syndy mamandyq ıeleri qajet.