G.Ábdiqalyqova mádenıet jáne óner qaıratkerlerine prezıdenttik jáne memlekettik stıpendııalardy tabys etti
Bul týraly Aqordanyń baspasóz qyzmetinen habarlady.
Rásimdi ashqan Memlekettik hatshy qatysýshylardy quttyqtap, prezıdenttik jáne memlekettik stıpendııalar otandyq mádenıetti damytýǵa qosqan eleýli úlesteri úshin berilgen baǵa ekenin atap ótti.
G.Ábdiqalyqova jalpyulttyq qundylyqtardy nyǵaıtýdyń jetekshi kúshi bolyp sanalatyn zııaly qaýymnyń róli týraly aıtqan Memleket basshysynyń sózine qatysýshylar nazaryn aýdardy. Memlekettik hatshy mádenıet qaıratkerleriniń ıdeıalary men oı-pikirleri, shyǵarmalary halyqtyń rýhanı qazynalaryn, onyń baı ári tóltýma ónerin saqtaýǵa jáne eseleýge baǵyttalýy tıis ekenin atap ótti.
Stıpendııalar Qazaqstan Respýblıkasynyń qurmetti ataqtary men memlekettik nagradalaryn ıelengen mádenıet jáne óner qaıratkerlerine memlekettik qoldaý kórsetý maqsatynda, sondaı-aq aıryqsha daryndy shyǵarmashyl jastarǵa Qazaqstannyń mádenıetin qalyptastyrýǵa, saqtaýǵa jáne damytýǵa qosqan úlesi úshin beriledi.
Otandyq mádenıetti damytýǵa qosqan mańyzdy úlesi úshin ádebıet pen ónerdiń 100 qaıratkerine stıpendııa taǵaıyndaldy. Stıpendııaǵa ıe bolǵandar qatarynda O.Súleımenov, M.Joldasbekov, S.Dosanov, B.Tólegenova, E.Hasanǵalıev, V.Tolokonnıkov, A.Áshimov, ıÝ.Pomerantsev, Sh.Murtaza, Á.Tarazı, A.Molodov sııaqty maıtalmandar bar.
Sonymen birge, memlekettik qoldaý J.Maqajanova, S.Mádıev, Á.Ahmetov, Q.Omarova, E.Rysqalı jáne basqa da jas daryndarǵa kórsetildi.
Kezdesý Qazaqstan mádenıeti men ónerin damytýdyń ózekti máselelerin talqylaýmen aıaqtaldy. Memlekettik hatshy el Táýelsizdiginiń 25 jyldyǵy «Máńgilik El» jalpyulttyq patrıottyq ıdeıasy negizinde Bolashaǵy birtutas ult qalyptastyryp jatqan Qazaqstan halqynyń ıgiligin, abyroıy men ar-ujdanyn pash etetin tereń mazmundy jańa shyǵarmalarǵa arqaý bolady dep úmittenetinin jetkizdi.
Almatyǵa jumys sapary aıasynda G.Ábdiqalyqova Qazaqstan Jazýshylar odaǵynyń basshylyǵymen de kezdesip, respýblıkalyq «Qazaq ádebıeti» gazetiniń, «Juldyz» jáne «Prostor» jýrnaldarynyń redaktsııalaryn aralap kórdi.
Elimizdiń qalamgerlerimen áńgimelesý barysynda Qazaqstanda ádebıetti nasıhattaý, kórkemdigi joǵary shyǵarmalardy týǵyzý, sonymen birge Qazaqstannyń rýhanı-mádenı salasyn odan ári damytýdyń ózekti máseleleri talqylandy.
Kezdesý sońynda QR Memlekettik hatshysy shyǵarmashyl zııaly qaýym ókilderiniń «100 naqty qadam» Ult josparyn iske asyrýǵa, Qazaqstan Respýblıkasy Táýelsizdiginiń 25 jyldyǵy aıasynda ótetin merekelik is-sharalarǵa belsene qatysatynyna senim bildirdi.
