G.Ábdiqalyqova: Qazaqstan men AQSh yqpaldastyqtyǵyna saılaý nátıjesi áser etpeıdi (FOTO)
Aıta ketý kerek, Gúlshara Ábdiqalyqova men Sara Stıýell burynnan bekigen dostyq sezimderin jasyrmaı, bir-birin ystyq yqylaspen qarsy aldy. Kóterińki kóńil kúı kezdesýdiń sońyna deıin saqtaldy.
«Sıýell hanym, Astanaǵa qosh keldińiz, Sizben qaıta kezdeskenime qýanyshtymyn. Men Sizge Vashıngtonda (bıyl kóktemde memlekettik is-sapar kezinde - redaktsııa) bolǵan kezdesý úshin rızashylyǵymdy bildiremin. Menińshe, emen-jarqyn áńgime boldy. Biz eki el qarym-qatynasynyń mańyzdy máselelerin kóterdik», - dedi G.Ábdiqalyqova.
Kezdesý barysynda QR men AQSh yntymaqtastyǵynyń jaı-kúıi men perspektıvalarynyń keń aýqymy talqylandy. Sondaı-aq óńirlik jáne halyqaralyq kún tártibiniń ózekti máseleleri boıynsha pikir almasýlar ótti.
Memlekettik hatshy ıAdrolyq qaýipsizdik jónindegi Vashıngton Sammıtiniń barysynda Qazaqstan Respýblıkasynyń Prezıdenti N.Á.Nazarbaev «Álem. XXI ǵasyr» manıfesin jarııa etkenin atap ótti. Onda dúnıejúzin ıadrolyq qaterden qutqarý, ornyqty álemniń geografııasyn keńeıtý, áskerı bloktardy joıý jáne álemdik damýdyń prıntsıptik jańa paradıgmalaryn ázirleýdiń naqty usynystary baıandalǵan. Manıfest BUU Bas Assambleıasy men Qaýipsizdik Keńesiniń resmı qujatyna engizildi.
«Bıyl tamyz aıynda Semeı ıadrolyq polıgonynyń jabylǵanyna 25 jyl tolýyna oraı, «ıAdrolyq qarýsyz álem» atty iri halyqaralyq konferentsııa ótedi. Biz Memlekettik departamentten ókilder keledi dep úmittenemiz. (...) Biz sondaı-aq Sizderdiń ekstremızmge, lańkestikke qatysty alańdaýshylyqtaryńyzǵa qoldaý jasap kelemiz. Osy baǵytta biz, árıne, jemisti jumys isteýge daıarmyz», - dep atap ótti G.Ábdiqalyqova.
G.Ábdiqalyqova Qazaqstan Ortalyq Azııa elderi jáne AQSh syrtqy saıası vedomstvolarynyń basshylary deńgeıindegi «S5+1» formatyndaǵy dıalogty qýattaıtyndyǵyn atap ótti. Bul bastama óńirimizdiń jahandyq ekonomıkalyq úderisterge yqpaldasý jolyndaǵy Ortalyq Azııa memleketteri jáne AQSh arasynda yntymaqtastyqtyń ózara tıimdi damýyna jaǵdaı jasaýy tıis.
Memlekettik hatshy Qazaqstanda «Astana» halyqaralyq qarjy ortalyǵy ashylatynyn jáne qazaqstandyq taraptyń amerıkalyq ınvestıtsııalyq qorlar men korporatsııalardy tartýǵa múddeli ekendigin atap ótti.
Gúlshara Ábdiqalyqova Sara Sıýellge BUU Qaýipsizdik Keńesiniń turaqty emes músheligine 2017-2018 jyldarǵa Qazaqstan Respýblıkasynyń kandıdatýrasyn qoldaǵany úshin rızashylyq bildirdi.
«Sizder bilesizder, biz bıyl Táýelsizdiktiń 25 jyldyǵyn atap ótýdemiz. Osy jyldary bizdiń elder arasyndaǵy áriptestikke kóp mán berildi. Ásirese, Obama prezıdenttigi tusynda bizdiń elder arasyndaǵy qarym-qatynastar kúsheıe tústi. Osy jyly Qazaqstannyń BUU Qaýipsizdik Keńesiniń turaqty emes músheligine ótti. Bizdi qoldaǵan AQSh-qa rızashylyq bildirgim keledi. ...Qazir sizderde prezıdenttik saılaý qyzǵan kez. Prezıdenttik saılaýda kim jeńse de, Qazaqstan AQSh-pen yqpaldastyqty damytýǵa árdaıym daıyn», - deıdi ol.
