G.Ábdiqalyqova: Qazaqstan Halyqaralyq eńbek uıymymen yntymaqtastyqqa erekshe mańyz beredi
G.Ábdiqalyqova Halyqaralyq eńbek uıymynyń (HEU) BUU júıesindegi eńbek qatynastaryn retteý máseleleri jónindegi halyqaralyq bedeldi uıym retindegi rólin atap ótti. Memlekettik hatshy Qazaqstannyń bul halyqaralyq uıymmen yntymaqtastyqqa aıryqsha mán beretinin jáne HEU-nyń negizgi is-sharalaryna jyl saıyn belsendi túrde qatysatynyn atap kórsetti. Sonyń ishinde bıylǵy maýsymda ótetin HEU Bas konferentsııasynyń 104-sessııasynyń taqyryby mańyzdy ekenine erekshe toqtaldy.
Aqordanyń baspasóz qyzmetiniń habarlaýynsha, sonymen qatar, taraptar eńbek qatynastary salasyndaǵy Qazaqstan men HEU yntymaqtastyǵynyń keleshegin talqylady.
Memlekettik hatshy Memleket basshysy usynǵan bes ınstıtýtsıonaldyq reforma memlekettik ınstıtýttardy sapaly jańartýǵa, ekonomıkalyq baǵdarlamalardyń tıimdiligin arttyrýǵa, memlekettik qyzmetter sapasyn jaqsartýǵa jáne keń aýqymdy ınfraqurylymdyq jobalardy júzege asyrýǵa baǵyttalǵanyn atap kórsetti.
G.Ábdiqalyqova «Nurly jol» memlekettik baǵdarlamasy ekonomıkanyń ornyqty ósýin qamtamasyz etý, búgingi jumys oryndaryn saqtaý jáne syrtqy naryqtaǵy ahýaldyń nasharlaýy jaǵdaıynda jańalaryn ashý úshin erekshe mánge ıe ekenin aıtty. Atalǵan mindetterdi iske asyrý el ekonomıkasyn jandandyrady, ıkemdilikti arttyrady jáne halyqtyń jumyspen qamtylýyn barynsha qamtamasyz ete otyryp, kásipkerlik problemalarynyń sheshilýine múmkindik týǵyzady.
Kezdesý barysynda sonymen birge Qazaqstanda jastardy jumyspen qamtamasyz etý úshin Ulttyq is-qımyl josparyn qabyldaý, sondaı-aq Eńbekti qorǵaý jáne jumys kúshiniń ıkemdiligi jóninde zertteý júrgizýdiń ulttyq baǵdaryn ázirleý jóninde HEU-nyń tehnıkalyq qoldaý kórsetýi máseleleri qaraldy.
