G.Ábdiqalyqova: I.Ilın - naǵyz patrıot
«Kóbimiz patrıottyqty úndeý dep esepteımiz, alaıda qazaqstandyqtardyń ultjandylyǵy bar. Birneshe mysal keltirgim keledi. Jaqynda, sizder bilesizder, Ilıa Ilın Groznyıda aýyr atletıkadan ótken halyqaralyq jarysta bas júlde jeńip aldy. Al marapattaý rásiminde bir olqylyq oryn aldy. Uıymdastyrýshylar bizdiń elimizdiń eski Ánuranyn qoıdy. Ilıa - naǵyz patrıot. Ol bizdiń jańa Ánuranymyzdyń qoıylǵanyn talap etti», - dedi G.Ábdiqalyqova.
Sonymen qatar, Memlekettik hatshy Oral qalasynda eki qyzdy sýdan qutqaryp qalǵan 13 jastaǵy balany mysalǵa keltirdi.
«Ol sý túbinde jatqan qyzdy qutqarý úshin sýǵa birneshe ret súńgigen. Bul da ultjandylyqtyń belgisi», - dep esepteıdi ol.
G.Ábdihalyqova 2011 jyly Taraz qalasynda eki adamdy óltirip úlgergen asa qaýipti ekstremıstti ustap, óziniń ómirin pıda etken polıtsııa kapıtany Ǵazız Baıtasovtyń erligin de tilge tıek etti.
«Polıtsııa kapıtany, marqum Ǵazız Baıtasovqa 2011 jyly «Halyq Qaharmany» ataǵy berildi. Ol birneshe adamdy óltirgen asa qaýipti qylmyskerdi ustady. Ol da - patrıotızm. Patrıotızm árqaısymyzdyń boıymyzda bar. Biz eńbek etý arqyly, óz Otanymyzdyń damýyna úlesterimizdi qosyp kelemiz. Qoǵamdyq ómirge belsendi aralasamyz. Menińshe, osynyń barlyǵy - patrıotızm», - dep sózin túıindedi Memlekettik hatshy.
