G. Ábdiqalyqova elimizdegi balabaqsha ǵımarattaryn synǵa aldy
ASTANA. QazAqparat - Jańadan salynyp jatqan keıbir balabaqsha ǵımarattarynyń dálizderi tym úlken, sondyqtan olar kóbine qańyrap bos turady. Mundaı pikirdi búgin QR Bilim jáne ǵylym mınıstrliginiń alqa otyrysynda QR Premer-Mınıstriniń orynbasary Gúlshara Ábdiqalyqova bildirdi.
Onyń aıtýynsha, «Balapan» baǵdarlamasy aıasynda salynyp jatqan balabaqshalardyń keıbiriniń qurylys josparlary durys jasalmaǵan. «Ondaı jaǵdaılardy men ótken jyly kóptegen oblystardaǵy balabaqshalardy aralaǵan kezde óz kózimmen kórdim. Keıbir ǵımarattardyń dálizderi tym úlken, sondyqtan kóbine esh paıdalanýsyz bos turady. Odan da sol dálizge ketirgen oryndardy balalardyń qajetine jaratsa, jaqsy bolar edi», - dedi ol.
