G.Ábdiqalyqova: Árbir stıpendıatqa jumsalǵan ınvestıtsııa el ekonomıkasynyń ıgiligi úshin bilim túrinde eselenip qaıtarylýy tıis

ASTANA. QazAqparat - Árbir stıpendıatqa jumsalǵan ınvestıtsııa el ekonomıkasynyń ıgiligi úshin bilim túrinde eselenip qaıtarylýy tıis. Búgin Aqordada ótken Shetelde kadrlar daıarlaý jónindegi respýblıkalyq komıssııa otyrysynda QR Memlekettik hatshysy Gúlshara Ábdiqalyqova osylaı dedi.

«Árbir stıpendıatqa jumsalǵan ınvestıtsııa el ekonomıkasynyń ıgiligi úshin jańa bilim túrinde eselenip, qaıta oralýy tıis», - dedi G.Ábdiqalyqova.

Osy rette Memlekettik hatshy árbir óńirdiń kadr qajettiligin aımaqtyń ekonomıkalyq tartymdylyǵyn jáne básekelestik basymdyǵyn eskere otyryp, naqty belgileý qajettigin basa atap ótti.

Sonymen qatar, ol respýblıkalyq komıssııanyń 2015 jylǵy jumysyndaǵy jańa ekonomıkalyq saıasatty iske asyrý boıynsha qurylatyn basym baǵyttaryn aıqyndap berdi. Oǵan sáıkes, «Bolashaq» túlekteriniń Joldaýdy jan-jaqty júzege asyrýǵa qatysýyn jandandyrýǵa barynsha nazar aýdarylatyn bolady.

Otyrystyń qorytyndysynda Memlekettik hatshysy komıssııanyń jumystaryn odan ary uıymdastyrý boıynsha birqatar naqty tapsyrmalar júktedi.