Fıýzelıajy zaqymdanǵan Bek Eır reısi ushpaı qaldy
ALMATY. QazAqparat - Almaty áýejaıynan Almaty-Astana baǵytyndaǵy Bek Eır kompanııasynyń reısi ushpaı qaldy, dep habarlaıdy QazAqparat tilshisi.
Bul týraly Almaty halyqaralyq áýejaıynyń Feısbýktegi paraqshasynda jarııalandy.
«18 aqpanda Bek Eır kompanııasynyń Almaty-Astana baǵytyndaǵy Z92100 reısi shyqpaıtyn boldy. Jolaýshylardy otyrǵyzý jáne bagajdy tıeý kezinde Fokker-100 ushaǵynyń bagaj esigi mańaıy zaqymdanyp qaldy. Jolaýshylar 1 saǵattan soń Astanaǵa basqa bortpen ushyp ketti. Atalǵan derekke baılanysty zertteý jumystary bastaldy», - dedi áýejaıdan. 
Foto Bek Air áýe kompanııasynan alyndy
