Fýtzaldan jýrnalıster arasynda respýblıkalyq týrnır ótti

NUR-SULTAN.QazAqparat – Nur-Sultanda fýtzaldan BAQ ókilderi arasynda «MIIR PRESS CUP-2022» respýblıkalyq týrnıri ótti, dep habarlaıdy QazAqparat.

Eki kúnge sozylǵan baıraqty báseke «QazAqparat» komandasymen qatar elimizdiń ár óńirinen kelgen 18 komanda qatysty.

Qortyndysynda elordalyq «Qazmedıa» komandasy jeńimpaz atansa, «Qazaqstan-Qazsport» komandasy jáne ońtústik jýrnalısterinen quralǵan «Shymkent» komandasy úzdik úshtikti túıindedi.

Sondaı-aq týrnır jeńimpazdary 1 oryn úshin – 1 mln teńge, 2 oryn úshin – 600 myń teńge jáne 3 oryn úshin – 300 myń teńge kóleminde aqshalaı syılyqpen marapattaldy. Al týrnırde úzdik oıyn kórsetken oıynshylarda arnaıy marapattarǵa ıe boldy.

Aıta keteıik, týrnır QR Indýstrııa jáne ınfraqurylymdyq damý mınıstrligi baspasóz qyzmetiniń qoldaýymen uıymdastyryldy.