Fýtzaldan joldastyq kezdesýde Qazaqstan quramasy Ázerbaıjandy jeńdi
ASTANA. QazAqparat - Fýtzaldan Qazaqstan quramasy búgin Ázerbaıjanmen alǵashqy joldastyq kezdesýin ótkizedi, dep habarlaıdy QazAqparat tilshisi.
Kezdesý Aqtaý qalasyndaǵy «Halyq Arena» sport kesheninde ótti. Bul fýtzaldan 2024 jylǵy álem chempıonatyna irikteýge daıyndyq esebinde uıymdastyrylyp otyr.
Match barysynda tájirıbeli sportshy Dinmuhamed Súleımenov resmı túrde fýtzalmen qosh aıtysty. Ol quramany kapıtan retinde alańǵa bastap shyqty. Sodan keıin saltanatty rásim ótkizildi.
Oıyn barysynda ázerbaıjandyq fýtzalshylar shıraq bastady. Nátıjesinde qatarynan eki gol soǵyp ketti. Oǵan qazaqstandyq quramadan Edson bir golmen jaýap qaıyrdy.
Ekinshi kezeńde qazaqstandyq quramadan Edson men Dýglas taǵy eki gol soǵyp, tarazy basyn teńestirdi. Budan keıin Albert Aqbalyqov Qazaqstandy alǵa shyǵarsa, sońǵy mınýttarda Edson bos qaqpany dál kózdedi.
Osylaısha Qazaqstan quramasy qarsylasynan 5:3 esebimen basym tústi.
Endi eki qurama 20 qyrkúıekte taǵy bir márte joldastyq kezdesý ótkizedi.
El quramasy álem chempıonatynyń negizgi satysyndaǵy irikteý kezeńinde besinshi topta synǵa túsedi. Qarsylastary - Slovenııa jáne Chernogorııa.
Іrikteý kezeńi 2022 jyldyń 8 qazanynda bastalyp, 2023 jyldyń 8 naýryzynda aıaqtalady.
